سرینگر۔2اگست (اے پی پی) بھارتی غیر قانونی زیر تسلط جموں تے کشمیر ، قابض انتظامیہ دی عوام دشمن پالیسیاں دے خلاف احتجاجی مظاہرے کیتے ڳئے۔ کشمیر میڈیا سروس دے مطابق جموں اچ پبلک ہیلتھ ایمپلائز دے یومیہ اجرت تے کم کرݨ آلے سینکڑاں ملازمین جموں اچ سڑکاں کوں بلاک کر تے آپݨے مطالبے دے حق اچ احتجاج کیتا۔ مظاہرین آکھیا جو اگر انہاں دے مطالبے نہ منیے ڳئے تاں احتجاج ودھا ݙیسوں۔ قابض انتظامیہ دے زیر انتظام سرینگر دے سینٹور لیک ویو ہوٹل دے درجناں ملازمین ہوٹل انتظامیہ اتے ہوٹل کارپوریشن آف انڈیا ولوں برطرف کیتے ڳئے 160 ملازماں دی بحالی کیتے احتجاج کیتا۔ پریس انکلیو سرینگر دے باہرمظاہرین ہوٹل کارپوریشن آف انڈیا اتے قابض انتظامیہ دے خلاف شدید نعرے بازی کیتی۔
