سرینگر۔3اگست (اے پی پی) بھارت دے غیر قانونی زیرتسلط جموں تے کشمیر اچ کل جماعتی حریت کانفرنس دے رہنماواں اتے اوندی اکائی تنظیماں آکھیا جو کشمیریاں 5اگست2019 دے مودی حکومت دے غیر قانونی اقدام کوں مسترد کر ݙتے اتے او آپݨی جاری جدوجہد آزادی کوں ہر صورت ایندے چھیکڑی انجام تئیں پڄیسن۔ کشمیر میڈیا سروس دے مطابق کل جماعتی حریت کانفرنس دے رہنما غلام محمد خان سوپوری پارٹی دے ہک اجلاس اچ مودی حکومت ولوں 05 اگست 2019 کوں جموں تے کشمیر دی خصوصی حیثیت دی منسوخی کوں کشمیریاں نال بھارت دی غداری اتے وعدہ خلافی قرار ݙتے۔ انہاں ایں ڳالھ تے افسوس کیتا جو دنیا دی مجرمانہ چُپ پاروں بھارت کوں کشمیر دی خصوصی کوں منسوخ کرݨ دا حوصلہ ملیے جیڑھا جو عالمی قوانین اتے اقوام متحدہ دی متعلقہ قرارداداں دی خلاف ورزی اے۔ کل جماعتی حریت کانفرنس دے رہنماواں اتے تنظیماں بشمول سید بشیر اندرابی، یاسمین راجہ، زمرودہ حبیب، جاوید احمد میر، عبدالصمد انقلابی، محمد یوسف نقاش، امتیاز ریشی اتے غلام نبی وار آپݨے بیانات اچ آکھیا جو کشمیریاں 5اگست2019 دے مودی حکومت دے غیر قانونی اقدام کوں مسترد کر ݙتے اتے او آپݨی جاری جدوجہد آزادی کوں ہر صورت ایندے چھیکڑی انجام تئیں پڄیسن۔
