اسلام آباد۔3اگست (اے پی پی) بھارت دی حکمران ہندو قوم پرست بھارتیہ جنتا پارٹی ولوں بھارت دے غیرقانونی زیر تسلط جموں تے کشمیر دی معیشت کوں مسلسل لاک ݙاؤن، کرفیو، انٹرنیٹ بندش اتے سخت پابندیاں دا سامݨا اے، جئیں شدید دباؤ اتے غیر یقینی صورتحال دا سامݨا اے۔ نریندر مودی دی حکومت اچ حکومت ، آرٹیکل 370 اتے 35A دی منسوخی دے بعد کئی غیر قانونی اقدامات کیتن جئیں اچ آبادی دا تناسب بدلݨ اتے کشمیر دی معیشت کوں تباہ کیتا ویندا پئے تانجو کشمیری عوام کوں حق خودارادیت دے مطالبے توں دستبردار کرݨ تے مجبور کیتا ونڄ سڳے۔ مرکز ولوں ݙو انڄ انڄ علاقیاں اچ ونݙ ویلھے بی جے پی اے دعوی کیتاہئی جو کشمیردی خصوصی حیثیت کوں ختم کرݨ اتے اونکوں براہ راست نویں دہلی توں کنٹرول کرݨ دے نتیجے اچ خطے دی بہتر ترقی تھیسی اتے اوندی معیشت ودھسی تانجو ایں غیر قانونی اقدام دے ترائے سال بعد کشمیردی معیشت کوں تباہ کر ݙتا ڳئے۔ سیاسی اتے اقتصادی تجزیہ نگاراں آکھیا جو گزریل ترائے سالیں اچ کشمیری دی صورتحال ٻہوں خراب تھئی کیونجو پنڄ اگست 2019 دے فیصلیاں دے معیشت کوں بدترین منفی اثرات دا سامݨآ کرݨا پیا۔ 5 اگست 2019 دے فیصلے دے فوراً بعد بھارت ہزراں تازہ دم فوجیاں کوں مقبوضہ کشمیر اچ روانہ کیتا اتے پورے خطے دا سخت لاک ڈاؤن شروع کیتا ڳیا۔ بھارتی حخومت پہلے توں منصوبہ بندی نال کشمیریاں کوں معاشی طور تے کچلݨ اتے انہاں کوں ناجائز بھارتی تسلط کوں منݨ تے مجبور کرݨ کیتے ݙوہیں شعبیاں کوں نشانہ ٻݨایا ڳئے۔ گزریل ترائے سالیں اچ بھارتی قابض فوج کشمیریاں کوں معاشی نقصان پڄاوݨ کیتے ٻہوں باغ کٹین۔ منی کنٹرول، آن لائن بزنس اخبار دی رپورٹ دے مطابق ایں سال وی امرناتھ یاترا کوں سہولت ݙیوݨ دے بہانے سری نگر جموں تے ہائی وے تے پابندیاں لاتیاں ڳئن جئیں پاروں منڈیاں تئیں پھلاں کوں پڄاوݨ اچ اوکھ تھئی اے۔ 5 اگست 2019 دے بعد لاک ڈاؤن ، مقبوضہ ریاست دی سیاحت دی صنعت کوں وی شدید نقصان تھیے۔ سائنس ڈائریکٹ اچ چھپݨ آلے تحقیقاتی مطالعے دے مطابق ایں صورتحال پاروں سیاحت دے شعبے نال جڑے لوکاں کوں آپݨا ذریعہ معاش بدلݨ تے مجبور کیتا ڳیا۔ دی اسٹیٹس مین دی رپورٹ دے مطابق گزریل سالیں اچ تھیوݨ آلے مجموعی نقصانات پاروں سرمایہ کاراں اتے مقامی کاروباری اداریاں دے مالیات تے غیر معمولی دباؤ پئے۔ اکنامک ٹائمز دے مطابق انٹرنیٹ دی مسلسل بندش، ٹیلی مواصلات اچ پابندیاں اتے کرفیو ملازمین دے نال چھوٹے اتے درمیانے درجے دے کاروباری اداریاں کوں متاثر کیتے۔
