سرینگر۔5اگست (اے پی پی) غیر قانونی طورتے بھارت دے زیر تسلط جموں تے کشمیر آچ سرینگر اتے بئے علاقیاں اچ مختلف جہیں تے اڄ منائے ونجݨ آلے ، یوم استحصال اتے یوم سیاہ بارے کالے جھنڈے لہرائے ڳئے۔ کشمیر میڈیا سروس دے مطابق کنٹرول لائن دے ݙوہیں پاسوں، پاکستان اتے پوری دنیا اچ کشمیری اڄ پنج اگست کوں یوم استحصال اتے کالا ݙینھ منیندے پئن تانجو بھارت اتے عالمی برادری کوں اے سنیھا ݙتا ونڄے جو کشمیری 05 اگست 2019 دے غیر قانونی اقدام کوں نی منیندے۔
