سرینگر۔5اگست (اے پی پی) بھارت دے غیر قانونی زیر تسلط جموں تے کشمیر اچ مودی دی فسطائی بھارتی حکومت ولوں پنج اگست 2019 ء کوں جموں تے کشمیر دی خصوصی حیثیت دی منسوخی دے غیر قانونی اقدام دے بعد جموں تے کشمیر اچ کشمیریاں دے ماورائے عدالت قتل، جبری گرفتاریاں، املاک دی تباہی اتے انسانی حقوق دی سنگین پامالیاں ودھ ڳئن۔ کشمیر میڈیا سروس دے ریسرچ سیکشن ولوں اڄ ہندوتوار بھارتی حکومت دے ہک پاسہ اتے غیر قانونی اقدام کوں ترائے سال پورے تھیوݨ دے موقع تے جاری کیتی ڳئی ہک رپورٹ اچ آکھیا ڳیا جو ایں عرصے اچ 5 اگست 2019 توں ہݨ تئیں 13 تریمتیں سودھے 662 کشمیریاں کوں شہید کیتا ڳئے۔ رپورٹ دے مطابق کل جماعتی حریت دے سینئر رہنما محمد اشرف صحرائی سودھے درجناں کشمیری ایں وچال بھارتی پولیس دی حراست اچ شہید تھیے۔ حریت رہنماواں ، کارکناں ، مذہبی اتے سیاسی رہنماواں ، تاجراں ، سول سوسائٹی دے ارکان سمیت ہزاراں کشمیری ایں ویلھے جموں تے کشمیر اتے بھارت دے مختلف جیلاں اچ نظر بندہن جنہاں کوں 5 اگست 2019 دے بعد گرفتار کیتا ڳیا ہئی ۔ نظر بند رہنماواں آچ کل جماعتی حریت کانفرنس دے چیئرمین مسرت عالم بٹ ، شبیر احمد شاہ،محمد یاسین ملک ، آسیہ اندرابی ،نعیم احمد خان ، ناہیدہ نسرین، فہمیدہ صوفی ، غلام احمد گلزار ،مشتاق الاسلام ، محمد ایاز اکبر ، الطاف احمد شاہ ، پیر سیف اللہ ،راجہ معراج الدین کلوال ،شاہد الاسلام ، فاروق احمد ڈار، سید شاہد یوسف،سید شکیل یوسف،مظفر احمد ڈار ، غلام محمد بٹ ، محمد یوسف میر ، محمد یوسف فلاحی،محمد رفیق گنائی ، حیات احمد بٹ، ڈاکٹر قاسم فکتو،غلام قادر بٹ ، محمد شفیع شریعتی ،شوکت حکیم ،معراج نندہ ، وحید احمد گوجری ، محمود ٹوپی والا، فیروز عادل زرگر، دائود زرگر ، نور فیاض ، انجینئر عبدالرشید ، انسانی حقوق دے کارکن خرم پرویز اتے محمد احسن اونتو اتے صحافی آصف سلطان اتےفہد شاہ شامل ہن۔ کل جماعتی حریت کانفرنس دے سینئر رہنماء میر واعظ عمر فاروق سرینگر اچ آپݨے گھر اچ مسلسل نظر بند ہن۔ رپورٹ اچ عالمی برادری تے زور ݙتا ڳیا جو او جموں تے کشمیر اچ وحشانہ بھارتی اقدامات دا نوٹس ڳھنے اتے مسئلہ کشمیر دے اقوام متحدہ دی قرارداداں دے مطابق حل کیتے بھارت تے دباؤ پاوے۔
