سرینگر۔5اگست (اے پی پی) کنٹرول لائن دے ݙوہیں پاسوں، پاکستان اتے پوری دنیا اچ رہوݨ آلے کشمیری اڄ پنڄ اگست کوں یوم استحصال منیندے پئن جئیں دا مقصد مودی دی فسطائی حکومت ولوں 2019 اچ ایں ݙینھ منائے ونجݨ آلے غیر قانونی اقدامات دے خلاف احتجاج ریکارڈ کراوݨ اے۔ کشمیر میڈیاسروس دے مطابق مودی حکومت اقوام متحدہ دی قرارداداں اتے عالمی قوانین دی سنگین خلاف ورزیاں کریندیں ہوئیں 5 اگست 2019 کوں بھارت دے غیر قانونی زیرتسلط جموں تے کشمیر دی خصوصی حیثیت منسوخ کرتے فوجی محاصرہ کر ڳھدا ہئی۔ اڄ اے ݙینھ کالا ݙینھ دے طور منایا ویندا پئے اتے احتجاجی مظاہرے ، ریلیاں، سیمینارز اتے ٻئے پروگرام کیتے ویندے پئں۔
