راولپنڈی۔5اگست (اے پی پی) چیئرپرسن پیس اینڈ کلچرل آرگنائزیشن مشعال ملک آکھیا جو انتہا پسند بی جے پی مقبوضہ کشمیر کوں ہنددتوا دی وادی ٻݨاوݨ چاہندی اے۔ مقبوضہ کشمیر اچ ترائے سالیں توں نہتے کشمیریاں دی نسل کشی کیتی ویندی پئی اے۔ مقبوضہ کشمیر اچ جتنا ظلم تھیا تاریخ اچ کݙاہیں نہ سݨیا اتے نہ ݙٹھے، فاشسٹ نریندر مودی اتے بھارتی فوج مقبوضہ کشمیر اچ 60 لکھ بھارتی شہریاں کوں ڈومیسائیل جاری کر تے وادی اچ کشمیریاں کوں اقلیت اچ بدلیندا پئے۔ پنجاب آرٹس کونسل اچ یوم استحصال کشمیر بارے تھیوݨ آلی احتجاجی ریلی تے بھارتی مظالم تے مبنی تصویری نمائش اچ انہاں آکھیا جو میݙے پئے یاسین ملک کوں ڈیتھ سیل اچ رکھیا ڳئے جتھاں انہاں دی جان کوں خطرہ اے۔ قابض بھارتی کشمیری شہیداں دی لاشاں دے بے حرمتی کیتی اے۔ تحریک آزادی کشمیر کیتے لازوال قربانیاں ݙیوݨ تے پاکستانی عوام ، حریت رہنماواں، شہدا کشمیر اتے غازیاں کوں سلام پیش کریندی اے۔
