اسلام آباد۔6اگست(اے پی پی)پاک بحریہ دے جہاز پی این ایس تیمور دے ملائیشیا دے دورہ تے پاکستانی سفارتی حکام اتے میزبان بحریہ جہاز دا استقبال کیتے۔ ترجمان پاک بحریہ دے مطابق جہاز دے کمانڈنگ آفیسر میزبان حکام نال اہم ملاقاتاں اچ باہمی دلچسپی دے امور اتے ݙو طرفہ بحری تعاون تے الایا۔ پاک بحریہ دے افسران رائل ملائیشین نیوی دی مختلف تنصیبات دا دورہ کیتے۔ میزبان بحریہ دے افسران اتے مختلف سفارتی شخصیات وی پاک بحریہ دے جہاز دا دورہ کیتے۔ پی این ایس تیمور میزبان بحریہ نال ݙوطرفہ بحری مشق مال پاک 4 اچ حصہ ڳھدے۔ پی این ایس تیمور دے ایں دورے اتے بحری مشق اچ رلݨ نال ݙوہاں ملکاں وچال تعلقات تکڑے تھیسن۔
