کراچی۔6اگست(اے پی پی)وفاقی وزیر خزانہ مفتاح اسماعیل آکھیے جو وفاقی حکومت سخت فیصلے کرتے ملک کوں ڈیفالٹ تھیوݨ توں بچائے، ملک ناقابل یقین چیلنجنگ ماحول اچو لڳھندا پئے۔ کراچی چیمبر آف کامرس اینڈ انڈسٹری (کے سی سی آئی) دے دورے تے الیندے انہاں آکھیا جو حالات اینڄھے ہن جو نا چاہندے ہوئے وی انٹرنیشنل مانیٹری فنڈ (آئی ایم ایف) کولو ونڄݨا پئے، دوست ملک اتے آئی ایم ایف سودھا عالمی ادارے قرض ݙیوݨ توں کڈھویندن، ساکوں وی شرمندگی تھیندی اے بھل ملک کیتے اے کرݨا پوندا پئے، امید اے تیکھے اوکھ توں نکل آسوں، 500 ملین ڈالر دی پیٹرول سبسڈی ݙتی ویندی پئی اے، پورے ڄق اچ مہانڳ اے، گیس، بجلی ماہنگی اے جیندی وجہ فرنس آئل اے، اساں ملک کوں ݙیوالا تھیوݨ توں بچاوݨ کیتے پیٹرول و ڈیزل تے سبسڈی اچ کٹوتی کرتے سخت فیصلے کیتن ایندے اچ قوم نال تھئی اے۔ وفاقی وزیر مفتاح اسماعیل آکھیا جو اساں ڈالر کوں کنٹرول کیتے ٻھلہکے ݙینھ ݙاہ ٻارھاں روپے ڈالر اچا جھکا نئیں تھیوݨا چاہیدا، کرنٹ اکاؤنٹ خسارہ 17.4 بلین ڈالر تئیں ودھ ڳئے، ساکوں حالی وی ٻہوں کم کرݨے جو ملک تکڑا تھیوے اتے لوک سوکھے تھیون۔
