اسلام آباد۔14اگست (اے پی پی) وزیرِ اعظم شہباز شریف دی گزریل رات خوست، ہرنائی، بلوچستان اچ دہشت گرداں دے سیکیورٹی فورسز دی چوکی تے حملے دی مذمت کیتی اے ،وزیر اعظم میڈیا آفس توں جاری بیان موجب وزیرِ اعظم شہباز شریف دہشت گرداں دے مزموم عزائم کوں ناکام بݨیندے ہوئیں نائیک عاطف اتے سپاہی قیوم دی شہادت تے ݙکھ دا اظہار کیتے ، انہاں دعا کیتی جو اللہ تعالی شہدا دے درجات بلند کرے تے انہاں دے اہلِ خانہ کوں صبر ݙیوے ، وزیرِ اعظم مزید آکھیے جو میں واقع اچ زخمی تھیوݨ آلے میجر عمر دی وختی صحتیابی کیتے دعا کریندں۔ انہاں آکھیے جو پاکستانی قوم ملک دی حفاظت کریندے ہوئیں آپݨے شہدا دیاں قربانیاں بھلا نی سڳدی ، وزیرِ اعظم آکھیے جو شہدا ساݙا فخر ہن تے میں سودھے پوری قوم دیاں دعاواں شہدا تے انہاں دے اہل خانہ دے نال ہن ۔
