ڈیرہ غازیخان۔15 اگست(اے پی پی)وزیر اعلیٰ پنجاب چودھری پرویز الہی دے آکھیے تے چھل دے ماریے علاقیاں اچ امدادی سرگرمیاں تیکھاں کر ݙتیاں ڳین، سیلابی پاݨی توں لوکاں کوں بچاوݨ دی کارروائیاں وی مکمل کر ڳھدیاں ڳین۔ اے ڳالھ ڈپٹی کمشنر ڈیرہ غازیخان محمد انور بریار میڈیا نال الیندے آکھی اے۔ انہاں آکھیا جو 4 ہزار توں ودھ لوکاں کوں ریسکیو کیتا ڳئے، امدادی کارکناں اتے ٹیماں ہݨ تئیں 280 …
چھل ماریے علاقیاں اچ 7 ریلیف کیمپ ٻݨائن، خیمے، راشن اتے ٻیا سامان ونݙیسی، ڈپٹی کمشنر ڈیرہ غازیخان محمد انور بریار
ڈیرہ غازیخان۔15 اگست(اے پی پی)وزیر اعلیٰ پنجاب چودھری پرویز الہی دے آکھیے تے چھل دے ماریے علاقیاں اچ امدادی سرگرمیاں تیکھاں کر ݙتیاں ڳین، سیلابی پاݨی توں لوکاں کوں بچاوݨ دی کارروائیاں وی مکمل کر ڳھدیاں ڳین۔ اے ڳالھ ڈپٹی کمشنر ڈیرہ غازیخان محمد انور بریار میڈیا نال الیندے آکھی اے۔ انہاں آکھیا جو 4 ہزار توں ودھ لوکاں کوں ریسکیو کیتا ڳئے، امدادی کارکناں اتے ٹیماں ہݨ تئیں 280 توں ودھ کلوکاں کوں سیلابی پاݨی اچوں محفوظ ڄاہیں تے پچائے، ایں سانڳے ریسکیو آپریشن اچ 25 ٻیڑیاں،18 امدادی ڳاݙیاں اتے 152 امدادی کارکنان حصہ ڳھدے۔ ڈپٹی کمشنر محمد انور بریار آکھیے جو چھل ماریے علاقیاں اچ 7 ریلیف کیمپ لائے ڳین جتھاں سیلاب زدگان کوں ترائے ویلھے دا ٹکر پاݨی ݙتا ویندا پئے، متاثرین کوں خیمے، سکا راشن اتے ٻیا امدادی سامان وی ونݙیا ویسی۔ انہاں آکھیا جو سیلاب زدہ علاقیاں اتے متاثرین دی ڳݨتری دے اندازے کیتے سروے کمیٹیاں ٻݨا ݙتن اتے شفاف سروے کیتا ویسی۔
