راجن پور۔17اگست (اے پی پی) وزیراعلیٰ پنجاب چودھری پرویز الٰہی پنجاب دی ہدایت تے سینیئر ممبر بورڈ آف ریونیو دا متعلقہ سیکریٹریز دے رَلے تونسہ دے سیلاب آلے علاقیاں دا دورہ کیتا۔ڈپٹی کمشنر ڈیرہ غازی خان محمد انور بریار بریفنگ ݙتی۔ ایم این اے خواجہ شیراز محمود اتے ٻئے نال ہن۔ سینیئر ممبر بورڈ آف ریونیو تے ریلیف کمشنر پنجاب زاہد اختر زمان تونسہ تحصیل دے سیلاب زدہ علاقیاں دا …
وزیر اعلیٰ پنجاب دی ہدایت تے سینیئر ممبر بورڈ آف ریونیو دا متعلقہ سیکریٹریز دے رَلے تونسہ دے سیلاب آلے علاقیاں دا دورہ
راجن پور۔17اگست (اے پی پی) وزیراعلیٰ پنجاب چودھری پرویز الٰہی پنجاب دی ہدایت تے سینیئر ممبر بورڈ آف ریونیو دا متعلقہ سیکریٹریز دے رَلے تونسہ دے سیلاب آلے علاقیاں دا دورہ کیتا۔ڈپٹی کمشنر ڈیرہ غازی خان محمد انور بریار بریفنگ ݙتی۔ ایم این اے خواجہ شیراز محمود اتے ٻئے نال ہن۔ سینیئر ممبر بورڈ آف ریونیو تے ریلیف کمشنر پنجاب زاہد اختر زمان تونسہ تحصیل دے سیلاب زدہ علاقیاں دا دورہ کریندیں ہوئیں آکھیا جو وزیر اعلیٰ چودھری پرویز الہی پورا اختیارات ݙتن۔ ریلیف آپریشن اتے سیلاب زدگان دی بحالی کیتے فنڈز دی کوئی ڳھٹکی کائینی۔ سیلاب زدگان دی بحالی کیتے وسائل اچ ڳھٹکی کائنا آوݨ ݙیسوں۔ ایس ایم بی آر زاہد اختر زمان آکھیا جو سارے متعلقہ محکمیاں دے سیکرٹریز نال ڳھن تے آیوں۔ سیلاب آلے علاقیاں اچ کیمپ لاتے اتے صورتحال کوں مانیٹرکریسوں۔ ایں موقع تے سیکریٹری انہار سیف انجم،سیکریٹری ہاؤسنگ جاوید اختر محمود،سیکریٹری زراعت ثاقب علی عطیل،سیکریٹری ہیلتھ تنویر اقبال تبسم ، سردار عمر خان بزدار،ذوالفقار علی نصوحہ،ضیغم نتکانی اتے علاقہ دی سرکردہ شخصیات موجود ہن۔
