راجن پور۔18اگست (اے پی پی) کمشنر ڈیرہ غازیخان ڈویژن محمد عثمان انور آکھیا جو راجن پور اتے ڈیرہ غازیخان اچ سیلاب پاروں ہنگامی صورتحال اونویں اے۔ محکمے ریسکیو نال ریلیف آپریشن اچ مصروف ہن۔ ڈپٹی کمشنرز معاملات دی خود نگرانی کریندے پئن اتے او خود وی فیلڈ اچ سیلابی صورتحال دا جائزہ ڳھندے پئن۔ سیلاب زدہ علاقیاں دے دورے دے موقع تے متاثرین نال ڳالھ مہاڑ کریندیں ہوئیں کمشنر آکھیا …
راجن پور اتے ڈیرہ غازیخان اچ سیلاب پاروں ہنگامی صورتحال اونویں اے، کمشنر ڈیرہ غازیخان ڈویژن
راجن پور۔18اگست (اے پی پی) کمشنر ڈیرہ غازیخان ڈویژن محمد عثمان انور آکھیا جو راجن پور اتے ڈیرہ غازیخان اچ سیلاب پاروں ہنگامی صورتحال اونویں اے۔ محکمے ریسکیو نال ریلیف آپریشن اچ مصروف ہن۔ ڈپٹی کمشنرز معاملات دی خود نگرانی کریندے پئن اتے او خود وی فیلڈ اچ سیلابی صورتحال دا جائزہ ڳھندے پئن۔ سیلاب زدہ علاقیاں دے دورے دے موقع تے متاثرین نال ڳالھ مہاڑ کریندیں ہوئیں کمشنر آکھیا جو وزیر اعلیٰ پنجاب دی ہدایت تے ریلیف آپریشن جلدی پورا کرݨ دی کوشش کیتی ویسی پر غیر متوقع اتے ودھ بارشاں نال سیلاب دے سارے ریکارڈ ترٹ ڳئن،مسلسل سیلابی ریلے پاروں زمین اچ پاݨی جذب کرݨ دی صلاحیت مکݨ دے رستے اتے آبی گذر گاہواں زیر آب ہن، چھوٹا جیھا سیلابی ریلا وی وݙے ضیان کرینداپئے۔ لوکاں کوں چاہیدے جو او سیلابی ریلے اچ ونجݨ اتے محکمتے ولوں وارننگ کوں سنجیدہ ڳھنن۔ کمشنر آکھیا جو ریلیف کیمپس تے متاثرہ وستیاں اچ ترائے ویلھے دا کھاوݨ پیوݨ، خیمے، خشک راشن اتے ٻئیا امدادی سامان ݙتا ویندا پئے۔
