ملتان۔19اگست (اے پی پی):ریسکیو1122 دے ڈائریکٹرجنرل ڈاکٹررضوان نصیر جنوبی پنجاب دے سیلاب آلے علاقیں دا دورہ کرݨ پڄ ڳئن ، انہاں راجن پور،فاضل پوراتے ٻئے علاقیں اچ ریسکیو1122 دیاں ٹیماں دے کم دا جائزہ ڳھدے ۔ ریسکیوحکام موجب جنوبی پنجاب اچ سیلابی صورتحال پاروں ریسکیو 1122ملتان اپݨی سابقہ کارکردگی دے مطابق نہ صرف تیار اے بلکہ جنہاں علاقیں اچ سیلاب آڳئے اتھاں ساݙیاں ٹیماں عملی طور تے اپݨے فرائض انجام …
راجن پور،فاضل پوردے چھل آلے علاقیں اچ مزید امدادی ٹیماں روانہ ،ملتان اچ وی ایمرجنسی کیمپ قائم
ملتان۔19اگست (اے پی پی):ریسکیو1122 دے ڈائریکٹرجنرل ڈاکٹررضوان نصیر جنوبی پنجاب دے سیلاب آلے علاقیں دا دورہ کرݨ پڄ ڳئن ، انہاں راجن پور،فاضل پوراتے ٻئے علاقیں اچ ریسکیو1122 دیاں ٹیماں دے کم دا جائزہ ڳھدے ۔ ریسکیوحکام موجب جنوبی پنجاب اچ سیلابی صورتحال پاروں ریسکیو 1122ملتان اپݨی سابقہ کارکردگی دے مطابق نہ صرف تیار اے بلکہ جنہاں علاقیں اچ سیلاب آڳئے اتھاں ساݙیاں ٹیماں عملی طور تے اپݨے فرائض انجام ݙیندیاں پئن۔ جیڑھے علاقیں اچ سیلابی پاݨی آ چکے اتھاں تے نیڑے ضلعیں توں ریسکیورز کوں سیلابی علاقیں اچ بھیج ݙتاڳئے ۔ایں توں انڄ ملتان اچ وی ممکنہ چھل نال نبݨݨ کیتے ݙو جاہواں تے ایمرجنسی کیمپ بݨائے ڳئن، ڈسٹرکٹ ایمرجنسی آفیسر ڈاکٹر کلیم اللہ ھک ٹیم جیں دی قیادت ریسکیو سیفٹی آفیسر ارشد خان اتے ریسکیو سیفٹی آفیسر آفتاب احمد کریندے پئن راجن پور کیتے روانہ کیتن جیں اچ 13 ریسکیور اتے 2 عدد کشتیاں شامل ہن اے ٹیم پچھلے ھک ہفتے توں راجن پور دے نیڑے آپݨے فرائض انجام ݙیندیاں پئں تے ہݨ تئیں سینکڑاں لوکاں تے انہاں دے مال ڈھور کوں محفوظ جاہ تے شفٹ کر چکئن ایں توں انڄ ودھدی سیلابی صورتحال پاروں ھک ٻئی ٹیم جیں دی قیادت سٹیشن کوآرڈینیٹر محمد عثمان کریندے پئن اینکوں وی راجن پور دے نیڑے ایں علاقے اچ بھیج ݙتا ڳئے جیں اچ ریسکیورز دی تعداد 14 جݙاں جو کشتیاں دی تعداد 3 اے،ھک ٻئی ٹیم ڈیرہ غازی خان دے علاقے تونسہ اچ سیلاب زدگان دی امداد کیتے ملتان توں روانہ کیتی ڳئی اے جیں دی قیادت ایمرجنسی آفیسر انجینئر محمد بلال صاحب کر یندے پئن جیں اچ 12 ریسکیورز اتے 3 عدد کشتیاں شامل ہن۔
