راجن پور۔20اگست (اے پی پی) رکن صوبائی اسمبلی پنجاب سردار احمد علی خان دریشک “اے پی پی” نال ڳالھ مہاڑ کریندیں ہوئیں آکھیا جو وزیر اعلیٰ پنجاب چودھری پرویز الٰہی کوہ سلیمان اچ مینہہ دے نویں سلسلے پاروں صورتحال نال نبڑݨ کیتے ہنگامی اقدامات کرݨ دا حکم ݙے ݙتے۔ ضلعی انتظامیہ، ریسکیو1122 اتے پی ڈی ایم اے کوآرڈینیشن نال ضروری اقدامات کرن۔ راجن پور اتے ڈی جی خان اچ ریسکیو اینڈ ریلیف آپریشن اچ کوئی کسر نہ چھوڑی ونڄے۔ متعقلہ ادارے الرٹ رہون اتے متاثرہ علاقیاں اچ امدادی کم کوں تکھا کیتا ونڄے۔ وزیر اعلی پنجاب چودھری پرویزالٰہی امدادی کیمپس دی تعداد ودھاوݨ دی ہدایت کریندیں ہوئین آکھیا جو لوکاں کوں محفوط ڄاہ تے پڄاوݨ کیتے سارے ضروری وسائل لاتے ونڄن۔ سردار احمد علی خان دریشک آکھیا جو ایں ویلھے ضلع راجنپور اتے ڈیرہ غازی خان اچ قدرتی آفات پاروں سخت پریشانی اے اتھاں دے لوکاں دا ذریعہ معاش زراعت اتے مال مویسی اے، اڄوکے سیلاب پاروں لوکاں دی فصلاں پوری تباہ تھی ڳئن اتے مال مویشی دی وݙی تعداد پاݨی اچ وہہ ڳئی اے۔ پر پنجاب حکومت ݙینھ رات دے فرق دے بغیر چھل متاثرین دے نال اے۔
