راجن پور اتے ڈیرہ غازیخان اضلاع دے چھل متاثرہ علاقیاں اچ امداد کیتے فضائی آپریشن شروع کر ݙتا ڳئے، کمشنر

راجن پور۔22اگست (اے پی پی) کمشنر محمد عثمان انور آکھیا جو راجن پور اتے ڈیرہ غازیخان اضلاع دے چھل متاثرہ علاقیاں اچ امداد کیتے فضائی آپریشن شروع کر ݙتا ڳئے۔ کوہ سلیمان اتے ٻئے اوکھے رستیاں آلے علاقیاں اچ ہیلی کاپٹر نال امدادی سامان ٻھیجا ویندا پئے۔ حکومت راجن پور اتے ڈیرہ غازی خان کیتے ݙو ہیلی کاپٹر ݙتن۔ انہاں آکھیا جو قبائلی فورس بی ایم پی اتے بلوچ لیوی دے ذریعے وی اٹھ، موٹرسائیکل اتے بئی ڳاݙیاں نال کوہ سلیمان اچ خیمے، راشن اتے ٻیی امداد ݙتی ویندی پئی اے۔ ہیلی کاپٹر نال ریلیف آپریشن تکھے تھیسی اتے اوکھے رستیاں تئیں پڄیا ونڄ سڳسی۔ کمشنر محمد عثمان انور آکھیا جو راکھی گاج، فورٹ منرو اچ بند بین الصوبائی شاہراہ کھول ݙتی ڳی ہئی جڈانجو ولا پہاڑی تودہ ݙہوݨ نال سڑک بند تھی ڳئی اے۔ انہاں آکھیا جو این ایچ اے حکام جلدی روڈ توں لینڈ سلائیڈنگ دا میٹریل صاف کر تے سڑک کھولݨ دا یقین ݙوائے۔