لاہور۔26اگست (اے پی پی):پی آئی اے دے ترجمان دے ترجمان آکھیے جو کوئٹہ دی صورتحال پاروں پی آئی اے دا فلائٹ آپریشن متاثر تھئے ،ایئرپورٹ اتے آسے پاسے موسم اتے مواصلاتی نظام دی خرابی پاروں پی آئی اے دا آپریشن معطل کرݨ پیا ۔پی آئی اے دے ترجمان دے مطابق جمعہ 26 اگست دے ݙینھ کراچی ,لاہور تے اسلام آباد توں کوئٹہ ونڄݨ آلی قومی ایئر لائن دیاں پروازاں منسوخ کرݙتیاں ، پی کے 310 کراچی توں کوئٹہ، پی کے 322 لاہور توں کوئٹہ اتے پی کے 325 اسلام آباد توں کوئٹہ متاثر تھئن ۔ترجمان موجب انتظامیہ موسم اتے مواصلاتی نظام تے نظر رکھی ہوئی اے، بحال تھیندے ہی آپریشن شروع کرݙتا ویسی ۔کوئٹہ دا فضائی آپریشن دی بحالی اولین ترجیح اے کیوں جو فضائی آپریشن رابطے دا واحد ذریعہ اے۔
