اسلام آباد۔26اگست(اے پی پی)وفاقی وزیر خزانہ مفتاح اسماعیل آکھیے جو وزیراعظم شہبازشریف ݙو توں 3 سو یونٹ بجلی استعمال کرݨ آلے صارفین کوں ریلیف ݙیوݨ دا آکھیے، ݙو سو یونٹ آلے صارفین کوں ریلیف کیتے 21 ارب روپے خرچ آسی، قطر پاکستان اچ 3 اتے یو اے ای 2 ارب ڈالر دی سرمایہ کاری کریسی، سیلاب متاثرین دا پورا ہتھ ونفیسوں۔ اے ڳالھ انہاں اسلام آباد اچ پریس کانفرنس کریندے انہاں آکھیا جو قطر پاکستان اچ 3 ارب ڈالر سرمایہ کاری دی منظوری ݙتی اے، قطر پاکستان دے ہوائی اڈے لیز تے ڳھنݨ چاہندے، قطر بندرگاہواں اچ وی سرمایہ کاری کریسی۔ انہاں آکھیا جو حکومت 8 ہزار میگا واٹ سولر پلانٹس لاوݨ چاہندی اے جیندے اچ قطر سرمایہ کاری کریسی۔ انہاں آکھا جو سنوار کوں آئی ایم ایف دے انتظامی بورڈ دا اجلاس تھیندا پئے، آئی ایم ایف نال شرح مبادلہ فکس کرݨ دا کوئی وعدہ نئیں تھیا۔
