ملتان۔1ستمبر (اے پی پی):حضرت غوث بہاالدین زکریا ملتانیؒ دا ترائے ݙینھ وار عرس 2 ستمبر جمعہ دے ݙینھ شروع تھیسی۔ ڈپٹی کمشنر محمد طاہر وٹو دی ہدایت تے سارے محکمیں انتظامات کر ڳھدن ۔ترجمان ملتان ویسٹ منیجمنٹ کمپنی موجب قلعہ کہنہ قاسم باغ کوں سوہݨا تے صاف ستھرا بݨاوݨ دا پلان تیار کرڳھدے ،کمپنی دےورکرز صفائی کیتے 24 گھنٹے ڈیوٹی ݙیسن ۔کمپنی دے سی ای او امیرحسن دی ہدایت تے منیجر آپریشنز انوارالحق ورکرز دا ڈیوٹی روسٹر جاری کرݙتے جیں موجب سویلے تے شام دی شفٹ اچ 20،20 جݙاں جو رات دی شفٹ اچ 10 ورکرز ڈیوٹی ݙیسن ۔ورکرز کوں کمپیکٹر اتے واٹر باوزر سودھے ݙوجھی مشینری دی مدد حاصل ہوسی۔قلعہ کہنہ قاسم باغ تے مسلسل چھڑکاؤ تھیسی،سڑکاں تے روزانہ لائم لائننگ تھیسی ۔ڈپٹی منیجر آپریشنز عثمان خورشید کوں فوکل پرسن جݙاں جو سیکٹر آفیسر علمدار شاہ کوں انچارج مقرر کرݙتا ڳئے ۔کمپنی ورکرزقلعہ اتےزائرین دی رہݨ دی جاہ دی صفائی وی شروع کرݙتی اے ۔
