وزیر اعظم شہباز شریف نال ترک وزیر داخلہ ، چیئرمین ترک ڈیزاسٹر اینڈ ایمرجنسی مینجمنٹ، گھٹ لاڳت ہاؤسنگ ایجنسی دے ڈائریکٹر جنرل دی ملاقات

اسلام آباد۔2ستمبر (اے پی پی):وزیر اعظم محمد شہباز شریف نال پاکستان دے دورے تے آئے ترکیہ دے وزیر داخلہ سلیمان سوئیلو، ترکیہ دے وزیر ماحولیات، اربنائزیشن اتے موسمیاتی تبدیلی، مرات کورم، چیئرمین ترک ڈیزاسٹر اینڈ ایمرجنسی مینجمنٹ، ترک گھٹ لاگت ہاؤسنگ ایجنسی دے ڈائریکٹر جنرل تے انہاں دے رلے وفد ملاقات کیتی ۔وزیر اعظم سیلاب توں تھیوݨ آلے جانی تے مالی ضیان تے ہمدردی تے تعزیت دا اظہار کرݨ تے صدر رجب طیب اردوان دا دلوں شکریہ ادا کیتے تے ایں آفت نال نبݨݨ تے ہر ممکن تعاون کرݨ کیتے ترکیہ دے پاکستان دے نال تعاون دے عزم دی تعریف کیتی ۔ وزیراعظم ایں ڳالھ کوں خوش آئند قرار ݙتے جو صدر اردگان دی فون کال دے فوراً بعد ترکیہ سیلاب زدگان کیتے خیمے، کھاوݨ پیوݨ دیاں چیزاں ، دوائیں تے ہنگامی امدادی سامان دی صورت اچ پاکستان کوں امداد بھیجی۔ ہݨ تئیں 11 ترک فوجی طیارے اتے 2سامان نال بھریاں ریل ڳاݙیاں پاکستان روانہ کیتیاں ڳئن ۔وزیراعظم 2005 دے زلزلے تے 2010 دے سیلاب دے دوران ترکیہ دی طرفوں پاکستان کیتے مدد دا ذکر کریندے ہوئیں ایں ڳالھ تے زور ݙتے جو ترکیہ اتے پاکستان ” ایک جان ݙو قالب ہن” اتے انہاں ہمیشہ اوکھے ویلھے ھک ݙوجھے دا ساتھ ݙتے ۔ وفد کوں سیلاب توں تھیوݨ آلی تباہی بارے ݙسیندے ہوئیں وزیراعظم آکھیے جو پاکستان کوں ملک اچ غذائی عدم تحفظ دا خطرہ اے کیوں جو سیلاب توں لکھاں ایکڑ تے فصلاں تباہ تھی ڳئن۔وزیراعظم سیلاب توں متاثرہ انفراسٹرکچر دی تعمیر نو اتے بحالی دے مرحلے، لوکاں دے روزگار دے ضیان ، خوراک دی کمی اتے سماجی و اقتصادی عدم تحفظ دی وجہ توں پیدا تھیوݨ آلے چیلنجاں تے قابو پاوݨ کیتے ترکیہ دے بھرپور تعاون دی امید دا اظہار کیتے۔ترک وزیر داخلہ سلیمان سوئیلو پاکستان اچ ڄوکے ساوݨ دے مینھ تے سیلاب دے دوران قیمتی جاناں دے ضیان تے قیمتی املاک دی تباہی تے صدر اردگان نال دلی تعزیت دا اظہار کیتے ۔۔وزیر داخلہ سوئیلو دی قیادت اچ ترکیہ دا وفد ملک اچ سیلاب دے تناظر اچ یکجہتی اتے حمایت دے اظہار دے طور تے پاکستان دا دورہ کریندا پئے ۔ وفد سیلاب توں متاثرہ علاقیں دا فضائی دورہ وی کریسی ۔