صدر مملکت ڈاکٹر عارف علوی منشیات کنٹرول (ترمیمی) بل 2022 ء دی منظوری ݙے ݙتی

اسلام آباد۔2ستمبر(اے پی پی)صدر مملکت ڈاکٹر عارف علوی منشیات کنٹرول (ترمیمی) بل 2022 ء دی آئین دے آرٹیکل 75 دے تحت منظوری ݙتی اے۔ ایکٹ اچ غیرقانونی منشیات دے جرائم بارے موت یا عمر قید دی سزا تجویز کیتی گئی اے۔ اے سزائیں ہیروئن، مارفین، کوکین اتے آئس سودھا مختلف مقدار دی نشہ آور ادویات اتے منشیات تے ݙتیاں ویسن۔ ہیروئن یا مارفین دی 4 کلو گرام یا ودھ مقدار تے 20 سال توں ودھ قید اتے 10 لکھ روپے تئیں جرمانہ ہوسی، ہیروئن یا مورفین دی 6 کلوگرام یا ودھ مقدار تے سزائے موت یا 15 توں 20 لکھ روپے دے جرمانے نال عمر قید دی سزا تھیسی۔ 5 کلو یا ودھ کوکین دے جرم اچ سزائے موت یا 20 سال توںو دھ قید اتے 25 لکھ روپے توںو دھ جرمانہ لڳسی۔