متحدہ عرب امارات، ترکیہ، قطر، ازبکستان، چین اتے فرانس توں 28 طیارے امدادی سامان گھن تے پاکستان پڄ ڳئن

اسلام آباد۔3ستمبر (اے پی پی):متحدہ عرب امارات، ترکیہ، قطر، ازبکستان، چین اتے فرانس توں 28 طیارے امدادی سامان گھن تے پاکستان پڄ چکئن ہفتے کوں مزید ݙو پروازاں امدادی سامان گھن تے پاکستان پڄدیاں پئن ۔ وزارت اطلاعات و نشریات دی طرفوں جاری تفصیلات موجب بھرا اسلامی ملکان تے ٻئے ملکاں توں متاثرین سیلاب کیتے امدادی سامان دی ترسیل دا فضائی آپریشن 28 اگست کوں شروع تھیا ایں ݙینھ متحدہ عرب امارات توں ھک جݙاں جو ترکیہ تں ݙو طیارے پاکستان پڄے۔ ہفتہ کوں شیڈول ݙو پروزااں اچوں ھک پرواز فرانس توں امدادی سامان گھن تے اسلام آباد ایئر پورٹ پڄ چکی اے جݙاں جو ترکیہ توں آوݨ آلی ݙوجھی پرواز وی پڄدی پئی اے تفصیلات موجب اڄ اتوار کوں 4 ستمبر کوں متحدہ عرب امارات توں ݙو ڄݙاں جو یونیسیف دا ھک طیارہ مزید امدادی سامان گھن تے پاکستان آسی ایویں (کل) 5 ستمبر کوں متحدہ عرب امارات توں مزید ݙو جݙاں جو ترکمانستان توں ھک طیارہ ، 6 ستمبر کوں متحدہ عرب امارات توں ݙو ، یونیسیف توں ھک پرواز پاکستان پڄسی ۔ ایں طرح 7 ستمبر کوں اردن توں سی130- طیارہ امدادی سامان گھن تے پاکستان پڄ ویسی ۔ واضح رہے جو دوست اسلامی ملکاں سودھے ٻئے ملکاں تے عالمی اداریں دی طرفوں پاکستان کوں دوائیں ، خیمے، پاݨی کڈھݨ دے پمپس، پیوݨ دا صاف پاݨی غذائی اجناس متاثرین سیلاب کیتے پاکستان بھیجا ویندا پئے ۔