پاکستان اچ سیلاب توں متاثرہ لوکاں دی امداد کیتے پوری دنیا توں ہݨ تئیں امدادی سامان گھن تے 35 پروازاں پاکستان آچکن

اسلام آباد۔4ستمبر (اے پی پی) پاکستان اچ سیلاب توں متاثرہ لوکاں دی امداد کیتے پوری دنیا توں ہݨ تئیں امدادی سامان گھن تے 35 پروازاں پاکستان آچکن، ساریں توں ودھ متحدہ عرب امارات توں 14 پروازاں آئن۔ اتوار کوں دفتر خارجہ توں جاری کیتی ڳئی تفصیل موجب متحدہ عرب امارات اتے ترکی توں پہلی پرواز 28 اگست کوں پاکستان پڄی۔ متحدہ عرب امارات توں 29 اگست کوں ݙو ، 30 اگست کوں ݙؤ ، 31 اگست کوں ݙو ، یکم، ݙواتے ترائے ستمبر کوں وی ݙو ݙو جݙاں جو 4 ستمبر کوں ھک پرواز آئی۔ ترکی توں 28 ،29 اگست کوں ݙو ݙو ، 30 اگست کوں ترائے ، 31 اگست کوں ݙو ، یکم ستمبرکوں ھک جݙاں جو 3 ستمبر کوں ھک پرواز آئی۔ ترکی توں ہݨ تئیں کل 11پروازاں آچکن ۔ چین توں ہݨ تئیں چار پروازاں امدادی سامان گھن تے آئن انہاں اچ 30 اگست کوں ݙو اتے ݙو31 اگست کوں پاکستان آئن۔ ازبکستان توں یکم ستمبر کوں ھک ، قطر توں 2 ستمبر کوں ݙو تے 4 ستمبر کوں ھک ، فرانس توں 3 ستمبر کوں ھک ، یونیسف توں 4 ستمبر کوں ھک پرواز امدادی سامان گھن تے پاکستان آئی۔