ملتان۔4ستمبر (اے پی پی):چیف سیکرٹری پنجاب کامران علی افضل امداد تے بحالی دے کماں دا جائزہ گھنݨ کیتے سیلاب متاثرہ علاقیں اچ پڄ ڳئن ۔چیف سیکرٹری سیلاب آلے علاقیں اچ امداد تے بحالی دے کم ،فلڈ کنٹرول روم اتے امدادی سامان دے ویئر ہاؤس دا معائنہ کیتا۔چیف سیکرٹری سیلاب متاثرین کوں وختی مچھر داݨیاں اتے مچھر بھڄاوݨ آلا لوشن ݙیوݨ دی ہدایت کیتی ، ایں موقع تے چیف سیکرٹری آکھیے …
چیف سیکرٹری پنجاب دا امداد تے بحالی دے کماں دا جائزہ گھنݨ کیتے سیلاب متاثرہ علاقیں دا دورہ
مزید خبراں
ملتان۔4ستمبر (اے پی پی):چیف سیکرٹری پنجاب کامران علی افضل امداد تے بحالی دے کماں دا جائزہ گھنݨ کیتے سیلاب متاثرہ علاقیں اچ پڄ ڳئن ۔چیف سیکرٹری سیلاب آلے علاقیں اچ امداد تے بحالی دے کم ،فلڈ کنٹرول روم اتے امدادی سامان دے ویئر ہاؤس دا معائنہ کیتا۔چیف سیکرٹری سیلاب متاثرین کوں وختی مچھر داݨیاں اتے مچھر بھڄاوݨ آلا لوشن ݙیوݨ دی ہدایت کیتی ، ایں موقع تے چیف سیکرٹری آکھیے جو سیلاب متاثرین اچ امدادی سامان ݙیوݨ آلیاں فلاحی تنظیماں تے مخیر حضرات نال انتظامیہ مکمل تعاون تے رہنمائی ݙیوے۔ انہاں آکھیے جو امدادی سامان دی ونڈ اچ شفافیت برقرار رکھی ونڄے ۔چیف سیکرٹری بوائے سکاؤٹس دے رلے بستی زنگلانی اچ سیلاب متاثرین اچ راشن وی ونڈیا ۔انہاں آکھیے جو سیلاب توں متاثرہ علاقیں اچ امدادی سرگرمیاں جاری ہن۔ چیف سیکرٹری آکھیے جو سیلاب متاثرین دی بحالی پنجاب حکومت دی اولین ترجیح اے۔ایں موقع تے ڈپٹی کمشنر ڈی جی خان انور بریار چیف سیکرٹری کوں امداد تے بحالی دے کماں تے بریفنگ ݙتی ایں موقع تے ایڈیشنل چیف سیکرٹری پنجاب شہریار سلطان اتے ایڈیشنل چیف سیکرٹری ساوتھ پنجاب کیپٹن( ر) ثاقب ظفر وی انہاں دے رلے ہن ۔
