دبئی۔ 7 ستمبر(اے پی پی)انٹرنیشنل کرکٹ کونسل (آئی سی سی) پلیئرز دی نویں رینکنگ جاری کر ݙتی اے جیندے مطابق قومی وکٹ کیپر بیٹسمین محمد رضوان اپݨے جوڑی دار کپتان بابر اعظم توں نمبع ون دا تاج ڳھن تے اپݨے سر سڄا ڳھدے۔ نویں ٹی ٹوئنٹی اچ پاکستانی بلے بازاں دا راج اے پہلے اتے ݙوڄھے نمبر تے پاکستانی آڳین۔ وکٹ کیپر محمد رضوان مسلسل بہترین کارکردگی پاروں نمبر ون بلے باز ٻݨ ڳین اتے قومی ٹیم دے کپتان بابر اعظم ݙوڄھے نمبر تے لڳے ڳین۔ بابر اعظم ٹی ٹوئنٹی دی نمبر ون رینکنگ تے ہک ہزار توں ودھ ݙینھ راج کیتے۔ محمد رضوان بابر اعظم اتے مصباح الحق دے بعد ٹی 20 رینکنگ چارٹ اچ پہلے نمبر تے آوݨ آلے تریڄھے بلے باز ہین، بابر اپݨے کیریئر اچ 7 ستمبر تئیں 1155 ݙینھ تئیں سرفہرست رہین۔ ساؤتھ افریقن بیٹر ایڈن مارکرام 792 پوائنٹس نال تریڄھے اتے بھارت دے سوریا کمار یادیو 775 پوائنٹس نال ساتھ چوتھے نمبر تے ہین۔
