نیویارک۔7ستمبر(اے پی پی)اقوام متحدہ دے سیکرٹری جنرل انتونیو گوتریش آکھیے جو دورہ پاکستان اچ عالمی برادری کوں پاکستان کیتے وݙے پیمانے تے امداد دا آکھساں۔ اقوام متحدہ دے ہیڈ کوارٹر نیویارک اچ صحافیاں نال الیندے انہاں آکھیا جو پاکستان دا ہک ترہائی حصہ چھل نال متاثر تھئے، میں پاکستانی عوام نال یکجہتی اتے عالمی برادری توں ہتھ ونݙاوݨ دی اپیل سانڳے پاکستان ویندا پیاں جو ایں ویلھے پاکستان کوں عالمی برادری دی امداد دی وݙی لوڑھ اے۔ انتونیوگوئتریش آکھیا جو لوک ٻھل ڳین جو اصل جنگ تاں موسمیاتی تبدیلیاں نال نمٹݨ دی اے، پاکستان، چاڈ، اتے قرون افریقہ، جتھاں کریہے اے اتھاں وݙا خطرہ موسمیاتی تبدیلی اے جیندے نال نٻݨݨا ہوسی۔ انہاں آکھیا جو پاکستان اچ وی اوکھے حالات ہین جیہڑے کہیں وی ملک کوں ٻھوڳݨے پو سڳدن، موسمیاتی تبدیلی اڄ وݙا مسلہ اے جیکوں عام مسئلہ سمجھ تے وسارݨ خود کشی ہوسی۔
