راجن پور۔9ستمبر (اے پی پی) راجن پور، اڄوکے چھل پاروں متاثرہ اتے نیڑے دے شہری علاقاں اچ وی زیزمین پاݨی کوڑا تھی ڳئے، موذی امراض دے وباء پھٹݨ پئے ڳئی ۔ سیلابی پاݨی پاروں راجن پور دی ترائیں تحصیلاں، راجنپور، جامپور، روجھان مزاری دے متاثرہ اتے نیڑے دے علاقیاں اچ زیر زمین پاݨی نلکیاں اتے موٹر پمپاں توں کورا پاݨی پیوݨ اتے ہک مہینے توں کھڑے سیلابی پاݨٰ پاروں عوام ڈائیریا، جلدی خارش، اکھیں دی خارش، ملیریا بخار، ٹائیفائیڈ بخار اچ مبتلا تھی ڳئن۔ فاضلپور دے شہریاں امین انجم، ظفر بھٹی، جاوید راجہ، ندیم ملک، رحمت اللہ شاہد، سجاول پٹھان، خیر محمد دریشک، “اے پی پی” کوں ݙسیا جو ، اڄوکے چھل پاروں متاثرہ اتے نیڑے دے شہری علاقاں اچ وی زیزمین پاݨی کوڑا تھی ڳئے، موذی امراض دے وباء پھٹݨ پئے ڳئی ۔ انہاں ݙسیا جو محکمہ صحت ولوں عوام کوں موذی امراض توں بچاوݨ کیتے کوئی خاص انتظام نہ ہووݨ پاروں ٻہوں پریشانی اے اتے سرکاری ہسپتالاں اچ دوائیں نہ ہووݨ دے برابر ہن۔ مخیر حضرات ولوں کجھ حد تئیں مختلف علاقیاں اچ لاتے ڳئے میڈیکل کیپمس توں عوام آپݨا چیک اپ اتے دوائی ڳھندے پئن۔
