واشنگٹن۔14ستمبر (اے پی پی):امریکا آکھیے جو پاکستان کوں ایف۔16جنگی طیاریں دے بیڑے دی ݙیکھ ٻھال کیتے آلات اتے سروسز دی مد اچ ممکنہ طور 45 کروڑ ڈالر دے معاہدے دی منظوری نال ملک کوں انسداد دہشت گردی دے موجودہ اتے مستقبل دے خطریں دا مقابلہ کرݨ کیتے قابل بݨاوݨ اچ مدد ملسی ۔ امریکی محکمہ خارجہ دے ترجمان نیڈ پرائس اے ڳالھ معمول دی پریس کانفرنس اچ ھک سوال دا جواب ݙیندے ہوئیں آکھی اے ، انہاں آکھیے اے ھک ایجھا بیڑا اے جیں توں دہشت گردی دے خلاف کارروائیاں دی پاکستان دی صلاحیت کوں ودھا ݙیندے تے اساکوں توقع اے جو پاکستان سارے دہشت گرد گروپاں دے خلاف کارروائیاں جاری رکھیسی ۔ انہاں آکھیے اساں ہݨے ہی کانگریس کوں پاکستانی فضائیہ دے ایف ۔16 پروگرام دی ݙیکھ بھال تےمعاونت دی خدمات کیتے 45 کروڑ ڈالر دی مجوزہ غیر ملکی فوجی فروخت بارے ݙسائے۔ انہاں آکھیے جو پاکستان ٻہوں سارے حوالیں خاص طور تے دہشت گردی کوں روکݨ دے حوالے نال ھک اہم شراکت دار اے تے ساݙی لمبی مدت پالیسی دے ھک حصے دے طور تے اساں امریکی ساختہ پلیٹ فارمز کیتے مرمت تے پائیداری دے پیکجز ݙٰیندوں ۔ امریکی محکمہ خارجہ دے ترجمان نیڈ پرائس آکھیے جو پاکستان دا ایف۔16پروگرام پاک امریکا وسیع تر ݙو طرفہ تعلقات دا اہم حصہ اےاتے پاکستان کوں ایف۔16جنگی طیاریں دی ݙیکھ بھال کیتے آلات اتے سروسز دی مد اچ ممکنہ طور 45 کروڑ ڈالر دے معاہدے دی منظوری توں انسداد دہشت گردی دے موجودہ تے مستقبل دے خطریں دا مقابلہ کرݨ کیتے پاکستان دی اہلیت کوں ودھاوݨ اچ مدد مل ویسی ۔
