لاہور۔15ستمبر(اے پی پی)پاکستان آئی سی سی مینز ٹی ٹونٹی ورلڈکپ کیتے 15 رکنی سکواڈ دا اعلان کرݙتے۔ شان مسعود، محمد وسیم جونیئر اتے شاہین شاہ آفریدی ولا سکواڈ اچ آ ڳین اتے فخر زمان، محمد حارث تے شاہنواز دھانی ٹریول ریزرو سانڳے نال راہسن۔ ٹی ٹونٹی ورلڈ کپ 16 اکتوبر توں 13 نومبر تئیں آسٹریلیا اچ تھیسی۔ فاسٹ باولر محمد وسیم جونیئر سائیڈ سٹرین انجری توں بعد مکمل فٹ ہین۔ شاہین شاہ آفریدی 15 اکتوبر کوں برسبین اچ قومی سکواڈ نال رلسن۔ آئی سی سی مینز ٹی ٹونٹی ورلڈ کپ کیتے پاکستانی سکواڈ میں بابر اعظم (کپتان)، شاداب خان نائب کپتان، آصف علی، حیدر علی، حارث رئوف، افتخار احمد، خوشدل شاہ، محمد رضوان وکٹ کیپر، محمد حسنین، محمد نواز، محمد وسیم جونیئر، نسیم شاہ، شاہین شاہ آفریدی، شان مسعود اتے عثمان قادر شامل ہین۔ چیف سلیکٹر محمد وسیم آکھیے جو شاہین شاہ آفریدی اتے فخر زمان دے علاوہ ٹی ٹونٹی ورلڈکپ کیتے اعلان کردہ سارے کھلاڑیاں کوں انگلینڈ دے خلاف سیریز اچ پاتے ڄݙاں جو آل رائونڈر عامر جمال اتے اسپنر ابرار احمد انگلینڈ دے خلاف ست ٹی ٹونٹی انٹرنیشنل میچز کیتے ٹیم دے نال ہوسن۔
