کراچی۔21ستمبر (اے پی پی):پاکستان تے انگلینڈ دی کرکٹ ٹیماں وچال 7 ٹی ٹونٹی بین الاقوامی میچاں تے مشتمل سیریز دا ݙوجھا میچ کل خمیس کوں نیشنل کرکٹ سٹیڈیم ، کراچی اچ کھیݙیا ویسی ۔میچ پاکستان دے معیاری ویلھے موجب شام 7 وڄ تے 30 منٹ تے شروع تھیسی ۔ مہمان برطانوی ٹیم کوں گرین شرٹس دے خلاف 7 میچاں دی سیریز اچ 0-1 دی برتری حاصل اے۔ انگلینڈ پہلے ٹی ٹونٹی کرکٹ میچ اچ پاکستان کوں 6 وکٹاں توں ہرایا ہئی ۔ برطانوی کرکٹ ٹیم 17 سال بعد کراچی آئی اے ۔ برطانوی ٹیم دے پاکستان آوݨ تے قومی ٹیم دے کھلاڑیاں تے شائقین کرکٹ خوش ہن ۔ مہمان ٹیم دی سکیورٹی کیتے فول پروف انتظامات کیتے ڳئن ۔
