اسلام آباد۔26ستمبر (اے پی پی) جنوبی ایشیا کیتے عالمی بینک دے نائب صدرمارٹن ریزر آکھیا جو پاکستان اچ چھل توں متاثرہ لوک اتے بنیادی ڈھانچے دی بحالی اچ عالمی بینک پاکستان نال پورا تعاون کریسی۔ پاکستان دے دورے دے چھیکڑ تے آپݨے ہک بیان اچ انہاں آکھیا جو اڄوکے تباہ کن چھل نال قیمتی جاناں، املاک اتے بنیادی ڈھانچے دے تھیوݨ آلے نقصان تے افسوس تھیے۔ متاثرین کوں امداد ݙیوݨ کیتے عالمی بینک پاکستان دی وفاقی اتے صوبائی حکومتاں نال رل تے کم کریندا پئے۔ انہاں آکھیا جو فوری رسپانس دے تحت عالمی بینک پاکستان اچ پہلے توں جاری منصوبیاں کیتے مختص فنڈز دی ولا تخصیس کیتے کم کریندا پئے تانجو لوکاں کوں صحت، خوراک، پناہ اتے ولا بحالی دے عمل اچ کردار ادا کیتا ونڄ سڳے۔
