لاہور۔27ستمبر (اے پی پی) پاکستان اتے انگلینڈ وچال پنڄواں ٹی ٹونٹی کرکٹ میچ کل (بدھ کوں) قذافی سٹیڈیم لاہور اچ کھیݙیا ویسی۔ میچ پاکستان دی ویلھے مطابق شام ست وڄ تے 30 منٹ تے شروع تھیسی۔ سیریز دے پہلے چار میچ کراچی اچ کھیݙیے ڳئن اتے ہݨ ترائے میچ لاہور اچ کھیݙیے ویسن۔ پنجویں میچ توں پہلے ݙوہیں ٹیماں منگل کوں شام دے سیشن اچ لاہور اچ قذافی سٹیڈیم اچ پریکٹس کیتی۔ ݙوہیں ٹیم دے کھݙاوی گزریل ݙینھ چارٹرڈ فلائٹ تے کراچی توں لاہور پڄیے ہن۔
