اسلام آباد۔2اکتوبر (اے پی پی) ای کامرس مارکیٹنگ اتے کنسلٹنگ ایجنسی (یؤرٹاسکر) ولوں لیئر لیگز اتے ورلڈ گروپ دے تعاون نال پاکستان اچ چھل متاثرین کیتے فنڈ ریزنگ فٹبال چیمپئن شپ دا انعقاد کیتا ڳیا۔ جاڑے شہراں اچ گزریل ہفتے دے ݙینھ ٹیماں وچال شاندار میچ دا فائنل تھیا۔ نیو یارکرز سنسنی خیز مقابلے دے بعد مقابل ٹیم کوں پینالٹی کِکس تے ہرا ݙتا اتے ستویں یؤر ٹاسکر فٹبال چیمپئن شپ جت ڳھدی۔ اٹھ ٹیماں وچال 12 پول میچز کھیݙیے ڳئے اتے کوالیفائرز سیمی فائنلزاتے فائنل دے مقابلے تھیے۔ ٹیماں اچ پنڈی بادشاہ، بلیک پینتھرز، ڈیجیٹل سکواڈ، جہلم سٹالیئنز،مارخور، اتے یؤرٹاسکر یونائیٹڈ شامل ہن۔
