اسلام آباد۔3اکتوبر (اے پی پی):قومی ہیرو باکسر عثمان وزیر ورلڈ ٹائٹل جتݨ دے بعد وطن واپس ول آئن ۔لاہور ایئرپورٹ پڄݨ تے پاکستان باکسنگ فیڈریشن اتے پنجاب باکسنگ ایسوسی ایشن تے پنجاب سپورٹس بورڈ دے عہدیداراں یوتھ ورلڈ چیمپئن باکسر عثمان وزیر دا شاندار استقبال کیتا تے انہاں کوں پھلاں دے ہار پوائے ۔واضح رہے جو باکسر عثمان وزیر 28 ستمبر کوں یوتھ ٹائٹل اپݨے ناویں کیتا ہئی جیڑھا جو کہیں پاکستانی باکسر دا پروفیشنل باکسنگ اچ اے پہلا ورلڈ ٹائٹل اے۔ورلڈ باکسنگ آرگنائزیشن دے تحت ورلڈ یوتھ ٹائٹل فائٹ تھائی لینڈ دے شہر بنکاک اچ کھیݙی ڳئی ۔قومی ہیروعثمان وزیر تھائی لینڈ دے باکسر سومپوت سیسا کوں چھیویں راونڈ اچ ناک آوٹ کرݙتا ہئی۔
