اسلام آباد۔3اکتوبر (اے پی پی):قومی ادارہ صحت آکھیے جو گزریل چووی گھنٹے اچ پورے ملک توں 10 ہزار 139 کورونا ٹیسٹ کیتے ڳن۔ سنوار کوں این آئی ایچ توں جاری ٹویٹ اچ ݙسائے ڳئے اعدادوشمار موجب گذریل 24 گھنٹے اچ 10 ہزار 139 کورونا ٹیسٹ کیتے ڳن جنہاں اچوں 50 لوکاں دے کورونا ٹیسٹ مثبت آئے ۔ ایویں گزریل چووی گھنٹے اچ کیتے ڳئے مثبت کورونا ٹیسٹ دی شرح 0.49 فیصد رہی ۔ کورونا وائرس توں کوئی وی مریض جاں بحق نی تھیا جݙاں جو 45 مریضاں دی حالت تشویشناک اے۔
