اسلام آباد۔3اکتوبر (اے پی پی) وفاقی وزیر منصوبہ بندی ،ترقی ، اصلاحات تے خصوصی اقدامات تے ڈپٹی چیئرمین این ایف آر سی سی احسن اقبال ، چیئرمین این ڈی ایم اے لیفٹیننٹ جنرل اختر نواز اتے این ایف آر سی سی دے نیشنل کوآرڈینیٹر میجر جنرل ظفر اقبال دی صدارت اچ سنوار کوں این ایف آر سی دا اہم اجلاس تھیا ۔ فورم کوں سندھ اتے بلوچستان دے ساریاں توں ودھ متاثر علاقے جاری ریسکیو اتے ریلیف آپریشنز بارے ݙسیا ڳیا۔ گزریل چووی گھنٹیاں اچ چھل پاروں کہیں دی ہلاکت دی اطلاع نی ملی۔ این ایف آر سی سی دے مطابق فورم کوں یونیسیف ولوں عطیہ کیتے ڳئے امدادی سامان دی بین الاقوامی پروازاں اتے ترکی بارے آوݨ آلی ٹریناں بارے ݙسیا ڳیا۔ فورم کوں ݙسیا ڳیا جو امدادی سامان ڳھن آوݨ آلی نو ٹریناں اچوں چھی چھل متاثرین اچ تقسیم کر ݙتی ڳئن۔ وفاقی وزیر احسن اقبال وزارت صحت کوں ہدایت کیتی جو او متاثرہ ٻالاں اتے کھیر پلاوݨ آلی ماواں دی غذائی قلت بارے صحت دے سنگین چیلنجز تے خصوصہ توجہ ݙیون۔ فورم اچ جنوبی بلوچستان اتے سندھ اچ ملیریا دے کھنݙاؤ دے خطرے بارے ڳالھ کیتی ڳئی۔
