اسلام آباد۔3اکتوبر(اے پی پی)سپیکر قومی اسمبلی راجہ پرویز اشرف نال جرمنی دے سفیر مسٹر برن ہارڈ شیلاگیک اتے ناروے دے سفیر پر البرٹ الاساس انڄھو انڄھ ملین۔ سپیکر مہماناں کوں پاکستان اچ سیلاب دی تباہ کاریاں، پارلیمانی سفارتکاری اتے ݙوطرفہ تعلقات ودھاوݨ دے معاملیاں تے الایا۔ انہاں آکھیا جو ڄڳ دے ترقی یافتہ ملکاں کوں پاکستان ڄھیں ترقی پذیر ملکاں اچ موسمیاتی بحران دے نقصانات دے ازالے کیتے ہتھ ونݙاوݨا چاہیدے۔ جرمن اتے نارویجن سفیراں سیلاب متاثرین نال یکجہتی کریندے موسمیاتی بحران نال نمٹݨ سانڳے آئی پی یو ولوں عالمی فنڈ ٻݨاوݨ کیتے پاکستان دی حمایت دا یقین ݙیوایا۔ سپیکر قومی اسمبلی ناروے اتے جرمنی نال پارلیمانی وفود دے تبادلیاں، ݙوہیں پارلیمان اتے اراکین پارلیمنٹ وچال ڳانݙھا ودھاوݨ تے وی زور ݙتا۔
