خیرپور،سیلاب متاثرین کیتے الخدمت فاونڈیشن خیمہ وستی قائم کرݙتی

سکھر۔4اکتوبر (اے پی پی):خیرپور اچ اڄوکے طوفانی مینھ تے سیلاب توں بے گھر تھیوݨ آلے لوکاں کیتے الخدمت فاونڈیشن خیمہ وستی قائم کرݙتی، سیلاب متاثرین کوں 3 ویلھے ٹکر پاݨی دے نال نقد امداد ݙتی ویندی پئی اے ۔تفصیلات موجب خیرپور دے علاقے خان پور بائی پاس تے الخدمت فاونڈیشن دی طرفوں سیلاب متاثرین کیتے خیمہ وستی قائم کیتی ڳئی اے انچارج خیمہ وستی عبدالمنان شیخ ݙسائے جو خیمہ وستی اچ سیلاب متاثرین کوں 3 ویلھے دا ٹکر پاݨی تے طبی سہولتاں دے نال ٻالاں کوں دینی تعلیم اتے نقد رقم دی امداد ݙتی ویندی پئی اے ۔الخدمت فاونڈیشن سیلاب متاثرین دی باعزت طریقے نال گھراں اچ واپسی تے انہاں دے گھر تعمیر کراوݨ اچ آپݨا کردار ادا کریسن۔