اقوام متحدہ۔4اکتوبر (اے پی پی):پاکستان بھارت دے غیر قانونی زیر تسلط جموں و کشمیر اچ کشمیریاں تے بھارت دے ظالمانہ جبر کوں بھارت دی ریاستی دہشت گردی دی بدترین مثال قرار ݙتے تے آکھیے جو عالمی انسداد دہشت گردی دی پالیسیاں ریاستی دہشت گردی کوں روکݨ اچ ناکام رہ ڳن ۔ اقوام متحدہ اچ پاکستان دے مستقل مندوب منیر اکرم جنرل اسمبلی دی 6ویں لیگل کمیٹی اچ بین الاقوامی دہشت گردی مکاوݨ کیتے اقدامات تے سیکرٹری جنرل دی رپورٹ تے بحث اچ آکھیے جو دہشت گردی کوں ہر جاہ تے جامع طور تے شکست ݙتی ونڄݨی چاہیدی اے ، انہاں دہشت گردی دے خلاف پاکستان دیاں کوششاں کوں اجاگر کریندے ہوئیں آکھیے جو پاکستان ریاستی دہشت گردی سودھے دہشت گردی دیاں ساریاں شکلاں،ایندے مظاہر تے محرکات دی شدید مذمت کریندے ، انہاں آکھیے عالمی انسداد دہشت گردی دیاں کوششاں ریاستی دہشت گردی نال نبݨݨ اچ ناکا رہین ۔ انہاں آکھیے بھارت دے غیر قانونی طور تے زیر تسلط جموں و کشمیر دے لوکاں کوں حق خود ارادیت ݙیوݨ توں انکار کرݨ کیتے ظالمانہ جبر ریاستی دہشت گردی دی بدترین مثال اے۔
