اسلام آباد۔4اکتوبر (اے پی پی) وفاقی وزیراقتصادی امورسردارایازصادق آکھیا جو پاکستان کوں عالمی امداد دی لوڑھ اے، جتنی ودھ اتے جلدی پاکستان نال تعاون تھیسی اساں اوں رفتار نال ٻئی انسانی زندگیاں کوں بچاوݨ دے قابل تھیسوں۔ منگل کوں جنیوا اچ اقوام متحدہ اتے پاکستان دے سانجھے نظرثانی شدہ فلیس اپیل دی تقریب توں خطاب کریندیں ہوئیں وفاقی وزیر آکھیا جو اساکوں سمجھݨآ چاہیدے جو پاکستان اچ اڄوکی بارشاں پاروں جیڑھی تباہی تھئی اے او ہک چتاوݨی اے۔ موسمیاتی تبدیلی دی وݙی قیمت پاکستان کوں ݙیوݨی پئی اے حالانکہ ماحول کوں نقصان پڄاوݨ آلی گیساں دے اخراج اچ پاکستان دا حصہ ہک فیصد توں وی ڳھٹ اے اتے انہاں تبدیلیاں پاروں متاثر تھیوݨ آلیاں اچوں ساریاں توں اُتے پاکستان اے۔ لوڑھ ایں ڳالھ دی اے جو ماحولیاتی تبدیلیاں نال نبݨݨ کیتے عالمی فنڈ اچ پاکستان کوں اوندا حصہ ݙتا ونڄے۔ سردارایازصادق آکھیا جو پاکستان اچ ایں سال جون توں ستمبر تئیں مسلسل بارشاں تھین اتے اے ہک غیر معمولی صورتحال ہئی۔ پاکستان کوں عالمی امداد دی لوڑھ اے، جتنی ودھ اتے جلدی پاکستان نال تعاون تھیسی اساں اوں رفتار نال ٻئی انسانی زندگیاں کوں بچاوݨ دے قابل تھیسوں۔
