اسلام آباد۔4اکتوبر(اے پی پی)وزیراعظم محمد شہباز شریف سیلاب سودھا ہر اوکھ اچ پاکستان دے نال تھیوݨ اتے ہتھ ونݙاوݨ تے شکریہ ادا کیتے۔ او ترک ہلال احمر دے خیر سگالی سفیر اسماعیل حقی ترنک اتے پاکستان اچ ترکیہ دے سفیر مہمت پیکاسی دے وفد نال ملݨ ویلھے الیندے پئے ہن۔ وزیراعظم آکھیا جو 2005 دا زلزلہ ہووے یا 2010 دے سیلاب دی صورتحال ترکیہ ہمیشہ پاکستان دے نال کھڑا رہے، اڄوکے سیلاب اچ وی ترکیہ دی مثالی دوستی تے شکرگذار ہیں جو انہاں پاکستان دا ہتھ ونݙائے اتے سیلاب متاثرین کیتے امدادی سامان دے جہاز اتے قافلے ٻھیڄن، اساں ترکیہ دے صدر رجب طیب اردوان اتے ترکیہ دے عوام دے ممنون ہیں جو ترکیہ ولوں 50 ٻیڑیاں امدادی سامان نال سندھ اتے بلوچستان دے سیلاب متاثرین کوں ودھ ریلیف ملیے۔ وفد سیلاب دے نقصانات تے افسوس کریندے بھرپور تعاون دا یقین ݙیوائے۔ وفد آکھیا جو اساں امدادی سامان، خدمات اتے نقصانات دے جائزے کیتے سیلاب متاثرہ علاقیاں دا دورہ کریسن۔
