کوئٹہ۔5اکتوبر (اے پی پی):سینیٹر ثمینہ ممتاز زہری افغانستان تے پاکستان اچ دہشت گردی دے اڄوکے واقعات تے ݙکھ تے افسوس کریندے ہوئیں مذمت کیتی اے اتے آکھیے جو پاکستان تے افغانستان اچ اچاچیت امن و امان دی صورتحال اچ خرابی اتے دہشت گردانہ حملیں دے پچھوں ساݙے ازلی دشمن بھارت دا ہتھ اے جیڑھا نی چاہندا جو پاکستان تے افغانستان اچ امن قائم تھیوے ۔ انہاں آکھیے اے امر مسلمہ حقیقت اے جو افغانستان اچ حالات خراب تھیوݨ دی صورت اچ ایندا ساریں توں زیادہ اثر پاکستان تے پوندے ۔ ملک دشمن عناصر وطن عزیز دی تعمیر و ترقی اتے امن و امان کوں برداشت نی کریندے پئے تے آپݨے مذموم مقاصد کیتے سوچیے سمجھے منصوبے دے تحت نہتے شہریاں تے سکیورٹی فورسز تے بزدلانہ حملے کریندے پئن جیں دی مذمت کریندوں تے دشمن کوں اے وی ݙساوݨ چاہندوں جو ایں طرح دے بزدلانہ حملے پرعزم قوم دے حوصلے جھکے نی کرسڳدے۔
