لاہور۔5اکتوبر (اے پی پی):پاکستان مسلم لیگ ن دی نائب صدر مریم نواز لاہور ایئرپورٹ توں نجی ایئر لائن دی پرواز توں ٻدھ دے ݙینھ براستہ دوحہ لندن روانہ تھی ڳئن ۔ایئرپورٹ روانگی توں پہلے مریم نواز ݙاݙا، ݙاݙی اتے والدہ دی قبراں تے فاتحہ خوانی وی کیتی، ن لیگی نائب صدر دے رلے انہاں دی ذاتی ملازمہ وی ہن۔لاہور ائیرپورٹ پڄݨ تے آپݨے بیان اچ مریم نواز دا آکھݨ ہئی جو میں توں انتظار نہ تھیندا پیا ہئی جو کݙاں جہاز لینڈ کرے تے کݙاں میں آپݨے والد کوں ملاں ۔خاندانی ذرائع دا آکھݨ اے جو مریم نواز تقریبا ً ھک مہینہ لندن اچ قیام کریسن جیں دے بعد انہاں دا آپݨے والد نواز شریف دے رلے وطن واپس آوݨ دا امکان اے ۔واضح رہے لاہور ہائیکورٹ دے حکم دے بعد منگل دے ݙینھ مریم نواز کوں انہاں دا پاسپورٹ واپس مل ڳیا ہئی۔
