اسلام آباد۔5اکتوبر (اے پی پی):وفاقی وزیر اطلاعات و نشریات مریم اورنگزیب عمران خان کوں لانگ مارچ دی تاریخ ݙیوݨ توں پہلے کجھ اہم سوالات دا جواب ݙیوݨ دا چیلنج ݙیندے ہوئیں آکھیے جو قومی سلامتی نال کھیݙݨ آلا فارن ایجنٹ اسلام آباد کرݨ کیا آندا پئے ؟ سیلاب متاثرین دی مدد کرݨ دی بجائے لانگ مارچ دی تیاری، معیشت تباہ، 20 ہزار ارب دا تاریخی قرضہ گھںݨ آلا فارن ایجنٹ کوڑا اسلام آباد کیا کرݨ آندا پئے ؟ بدھ کوں عمران خان دے لانگ مارچ دے حوالے نال آپݨے بیان اچ وفاقی وزیر اطلاعات سوال کیتے جو پاکستان دی معیشت کوں دیوالیہ کرݨ دی سازش کرݨ آلا فارن ایجنٹ اسلام آباد کیا کرݨ آندا پئے ؟ انہاں آکھیے فارن ایجنٹ 95 لکھ لوکاں کوں بے روزگار کیتا، 2 کروڑ لوکاں کوں غربت دے جہنم اچ سٹیا ، ہݨ او اسلام آباد کیا کرݨ آندا پئے ؟ انہاں آکھیے عدلیہ اتے ججاں کوں دھمکاوݨ، اداریں تے بہتان لاوݨ تے سیاست اچ ڳھیلݨ آلا اسلام آباد کرݨ کیا آندا پئے ؟ انہاں آکھیے جو کشمیر فروش فارن ایجنٹ اسلام آباد کیا کرݨ آںدا پئے ؟ توشہ خانہ دا چور، فرح گوگی، پیرݨی دی کرپشن دا شریک مجرم اسلام آباد کیا کرݨ آندا پئے ؟ وفاقی وزیر اطلاعات آکھیے عمران خان پہلے انہاں سوالاں دا جواب ݙیو تے ول لانگ مارچ دا اعلان کرو۔
