اسلام آباد۔5اکتوبر(اے پی پی)وفاقی وزیر خزانہ و محصولات سینیٹر محمد اسحاق ڈار سیلاب متاثرہ لوکاں دا ہتھ ونݙاوݨ سانڳے ایشیائی ترقیاتی بینک دی کوششاں دی تعریف کیتی اے۔ او اسلام آباد اچ ایشیائی ترقیاتی بینک دے کنٹری ڈائریکٹر ینگ یی دی اڳواݨی اچ ایشیائی ترقیاتی بینک دے وفد نال ملݨ ویلھے الیندے پئے ہن۔ انہاں پاکستان اچ ایشیائی ترقیاتی بینک دے مختلف منصوبیاں دا جائزہ ڳھدا۔ وزیر خزانہ بریس پروگرام دے تحت پاکستان کیتے ملݨ آلے ݙیݙھ ارب ڈالر دے قرضہ دا خیر مقدم کریندے ملک دی اقتصادی و سماجی ترقی اچ ایشیائی ترقیاتی بینک پاکستان دا شکریہ ادا کریندے ہیں۔
