اسلام آباد۔6اکتوبر (اے پی پی):وفاقی وزیر قومی صحت عبدالقادر پٹیل آکھیے جو اوکھے ویھلے سیلاب توں متاثرہ لوکاں دی مدد کرݨ ساݙا مذہبی اتے اخلاقی فریضہ اے، مصیبت تے اوکھے ویلھے اساں ساریں کوں رل تے آپݨا کردار نبھاوݨا ہوسی۔ اے ڳالھ انہاں خمیس کوں سیلاب توں متاثرہ علاقیں اچ کم کرݨ آلے پمز ہسپتال دے ڈاکٹرز نال ملاقات اچ آکھی اے ، ایں موقع تے پمز ہسپتال دے ایگزیکٹو ڈائریکٹر ڈاکٹر رضوان تاج وی موجود ہن ۔ انہاں سیلاب آلے علاقیں اچ صحت دیاں سہولتاں ݙیوݨ آلے ڈاکٹرزکوں تعریفی خط وی پیش کیتے ، انہاں آکھیے جو ڈاکٹرز دی ٹیم ٻہوں اوکھے حالات اچ ونڄ تے سیلاب توں متاثرین دا وݙے جوش و جذبے نال علاج کیتے ۔ عبدالقادر پٹیل آکھیے جیویں تساں سیلاب متاثرین دی مدد کیتی تے خدمت کیتی اے تساکوں خراج تحسین پیش کرینداں ۔
