اسلام آباد۔6اکتوبر (اے پی پی):وزیراعظم شہباز شریف آکھیے عمران خان سائفر دے معاملے اچ ریاست دے خلاف غداری کیتی ، جے اے بندہ ول مسلط تھیا تاں ملک تے اداریں کوں تباہ کرݙیسی انہاں آکھیے اے تاریخ دے کوڑے وزیراعظم ثابت تھئن، سازش دے تانے بانے وی انہاں نال ملدن ، ملک نال سنگین واردات کیتی ڳئی اے ، قومی سلامتی کمیٹی دے اجلاس اچ خود آکھیے جو سازش دا سائفر نال کوئی تعلق کائنی ، تے کوڑ سچ سامݨے آڳئے ، پی ٹی آئی چیئرمین خود آکھیے صرف کھیݙݨا اے ، امریکا دا نان نی گھنݨا ، سازشی ٹولہ مرضی دے منٹس بݨاوݨ دیاں ڳالھیں کریندا رہ ڳئے ۔ آڈیو لیک اچ حکومت دا کوئی کردار کائنی، ایویں ہی کرݨا ہونداں تاں آپݨی ٹیپ کیوں جاری کریندے؟ دھرنے کیتے قانون ہتھ اچ گھنݨ آلیں کوں اوکھے ہتھاں نال نبݨݨ دی وارننگ ݙتی تے صحافی کوں جواب ݙتے جو پریشان نہ تھیوے آرمی چیف دی تعیناتی آئین دے مطابق تھیسی ۔وزیراعظم شہباز شریف اسلام آباد اچ پریس کانفرنس کریندے ہوئیں آکھیے جو سابق وزیر اطلاعات دی زبانی سازش دی کہانی بیان کیتی ڳئی ،20 منٹ دے اندر صدرمملکت اسمبلی تحلیل کرݨ دی سمری منظور کیتی، سازش دا کوئی وجود اتے سر پیر کائناں ہئٰ ، قوم دا وقت برباد کیتا ڳئے ، قاسم سوری عدم اعتماد دی تحریک کوں مسترد کرݙتا ، اے ڳالھ منݨی پوسی جو دنیا دی ساریں توں وݙی طاقت نال تعلقات خراب کیتے ڳئے ۔وزیراعظم آکھیے جو بدترین بدیانتی تے قوم دے وقار نال کھݙیا ڳئے ایجھے سفاکارنہ طریقے دی کوئی مثال نی ملدی ، وطن دی عزت کوں مجروح کیتا ڳئے ،سنگین واردات تے کھیݙ کھیݙیا ڳئے ، سازش دے تانے بانے عمران خان نال مل چکن، سازشی چہرہ عمران نیازی اتے ایندا ٹولہ اے، ایں ٹولے دے علاوہ میکوں کوئی ہتھ نظر نی آندا ، ساݙی آئینی جدوجہد کوں سازش دا ناں ݙے تے الزام لاتے ڳئن ، اتحادی حکومت تے طرح طرح دے الزام لاتے ڳئن ، امپورٹڈ حکومت آکھیا ڳئے، مکروہ سازشی چہرے ہݨ پوری قوم ݙیکھ ڳھدے کوئی ابہام نی رہیا۔ وزیراعظم آکھیے جو عمران نیازی پاکستان دی تاریخ دا ساریں توں وݙا کوڑا وزیراعظم ثابت تھئے ، میں آکھداں جو اے پاکستان دے خلاف بدترین سازش اے، اے ہے سازش دا محور اتے سرکل، قومی سلامتی کمیٹی دی میٹنگ اچ آکھیے سازش دا پرے پرے تئیں سائفر نال تعلق کائنی ، کوڑ کوڑ تے سچ سچ ہوندے ، آڈیو لیک تھیوݨ دے بعد بعد دوست ملک دے سفیر ملݨ آئے تاں میکوں کمرے توں سائیڈ تے گھن ڳئے ، جے دوست ملکاں دا اے رویہ اے تاں ݙوجھے ملکاں دا کیا ہوسی ، پاکستان کوں ناقابل تلافی نقصان پڄایا ڳئے ، کݙاہیں کہیں وطن دا وقار ایویں مجروح نی کیتا ، کون ہݨ وزیراعظم ہاؤس اچ آتے اعتماد نال ڳالھ کر سڳسی ۔ سیلاب ویلھے سیاست کوں ھک پاسے کرݙیوݨا چاہیدا ہئی ، اے پتھردل انسان اے اینکوں متاثرین دا خیال کائنی۔وزیراعظم آکھیے جو سیلاب آلے علاقیں اچ قیامت برپا تھی ڳئی، سیکرٹری جنرل اقوام متحدہ اچ آواز اچ پاکستان دا مقدمہ لڑیے، چار سال توں ݙسیندا پیا ہم جو عمران نیازی کوڑا بندہ اے ، اے ٹولہ چاہندے جو دنیا سیلاب متاثرین کوں امداد نہ ݙیوے تے اے حکومت بدنام تھی ونڄے ، عمران دے حواریاں آئی ایم ایف معاہدے دے دوران کیجھے بیانات ݙتن، کݙاہیں قومیں دی زندگی اچ ویویں تھیندے ؟ اللہ دے فضل و کرم نال پوری اتحادی جماعتاں کوں اللہ سرخرو کیتے، خدا دی قسم کھا تے آکھداں جو اے بندہ فراڈیا اے، اے قوم کوں تنہائی اچ گھن ڳئے۔وزیراعظم شہباز شریف صحافی دے سوال تے جواب ݙتے جو آرمی چیف دی تعنیاتی دا آئین و قانون دے مطابق فیصلہ تھیسی تساں پریشان نہ تھیوو انہاں توں پچھیا ڳئے جو عمران خان دی سالگرہ تے کیا مبارخ ݙیسو ؟ جیں تے انہاں جواب ݙتا او جݙاں ہسپتال اچ ہن تاں میں وی خیریت پچھݨ ڳیا ہم، بس اتنا ہی آکھساں جو میاں جدوں آئے گا تاں خوشحالی دی پنڈ لیکر آئے گا، نواز شریف کوں جݙاں ڈاکٹر اجازت ݙیسن تاں واپس ول آسن ، عدلیہ دے فیصلے جیڑھے وی ہوون معاشرے تے اثرات پمدن ، اصل سوال ہے کیا عدلیہ انصاف تے مبنی فیصلے کریندی پئی اے ، عدلیہ کوں مضبوط کرݨ کیتے آپݨی کوششاں کرݨیاں ہوسن ، پارلیمانی نظام کوں دھکے توں بچاوݨ کیتے احتجاجاً اساں پارلیمان اچ آئے، جے اساں پارلیمان اچ نہ آندے تاں ول کیا تھیندا خدا ہی ڄاݨدے ۔
