پشاور۔7اکتوبر (اے پی پی) وزیراعلیٰ خیبرپختونخوا محمود خان اڄوکے چھل پاروں تباہ تھیے مکاناں دی بحالی بارے متاثرین کوں معاوضے ݙیوݨ دا سلسلہ شروع کرݨ دا فیصلہ کیتے۔ معاوضے ݙیوݨ دا سلسلہ کل چھݨ چھݨ توں ضلع ڈی آئی خان توں کیتا ویسی اتے وزیر اعلیٰ فلڈ ریلیف فنڈ اچ جمع شدہ رقم دا 20 فیصد حصہ صوبہ بلوچستان دے چھل متاثرین کیتے مختص کرݨ دا فیصلہ وی کیتا ڳئے۔ وزیراعلیٰ آکھیا جو بلوچستان کیتے ست میڈیکل ٹیماں اڄ روانہ تھیسن جیڑھی جو چھل متاثرہ علاقیاں اچ صحت دی سہولتاں ݙیسن جڈانجو ضلع نصیر آباد، جھل مگسی، جعفرآباد اتے صحبت پور اچ خیبر پختونخوا حکومت دی لائیوسٹاک ٹیماں پہلے توں موجود ہن۔ او جمعے کوں وزیراعلیٰ ہاؤس پشاور اچ چیف منسٹر فلڈ ریلیف فنڈ دی مینجمنٹ اینڈ یوٹیلائیزیشن بارے ٻݨی کمیٹی دے اجلاس دی صدارت کریندے پئے ہن۔ صوبائی وزراءتیمور سلیم جھگڑا اتے کامران بنگش دے علاوہ چیف سیکریٹری ڈاکٹر شہزاد بنگش، سیکرٹرین اطلاعات ارشد خان، متعلقہ محکمیاں دے انتظامی سیکرٹریز،ڈائریکٹر جنرل پی ڈی ایم اے اتے ٻئے حکام شریک تھیے۔
