اسلام آباد۔9اکتوبر(اے پی پی)ویمنز ٹی 20 ایشیا کپ اچ پاکستان شاندار کارکردگی ݙکھیندے متحدہ عرب امارات (یو اے ای) کوں 71 رنز توں ہرا ݙتے۔ بنگلا دیش دے شہر سلہٹ اچ ایشیا کپ دے 17 ویں میچ اچ قومی تیم یکطرفہ مقابلے اچ جیت اپݨے ناویں کیتی۔ قومی ٹیم دے 146 رنز دے پچھو یو اے ای دی ٹیم مقررہ 20 اوورز اچ 5 وکٹ دے نقصان تے صرف 74 رنز ٻݨا سڳی۔ خوشی شرما ناٹ آؤٹ 20، کویشا ایگوڈیگ 18 اتے تھیرتھا ستیش 14 رنز ٻݨائن۔ قومی ٹیم ولوں سعدیہ اقبال، ایمن انور، نشرہ سندھو اتے عمیمہ سہیل ہک، ہک وکٹ ڳھدی۔ قومی ٹیم پہلے بیٹنگ کریندے 20 اوورز اچ 5 وکٹ تے 145 رنز ٻݨائے ہن۔ عالیہ ریاض سب توں ودھ 57 رنز دی ناقابل شکست اننگز کھیڈی۔ منیبہ علی 43 رنز ٻݨا تے ݙوڄھے نمبر تے رہین، ندا ڈٓار 25 رنز تے ناٹ آؤٹ رہی۔ یو اے ای ولوں ایشا اوزا 3، مہیکا گور اتے ویشنوی مہیش ہک، ہک وکٹ ڳھدی۔ شاندار 57 رنز ٻݨاوݨ تے عالیہ ریاض میچ دی بہترین کھیݙاڑی دا ایوارڈ ڳھدا۔
