اسلام آباد۔10اکتوبر (اے پی پی):قومی کمیشن برائے وقار نسواں (این سی ایس ڈبلیو) دی چیئرپرسن نیلوفر بختیار اڄوکے چھل توں شدید متاثر علاقیاں اچ تریمتیں دی لوڑھ دا جائزہ ڳھنݨ اتے انہاں دے مسئلیاں کوں اجاگر کرݨ کیتے ڈیرہ غازی خان اتےتونسہ دا ݙو ݙینھ دا دورہ کیتا۔ ایں موقع تے ویمن ڈویلپمنٹ ڈیپارٹمنٹ پنجاب دی سیکریٹری اتے یو این ایف پی اے دی مشن ٹیم وی نال ہئی۔ سنوار کوں جاری پریس ریلیز دے مطابق چیئرپرسن آپݨی ٹیم اتے مقامی شراکت داراں دے رلے تونسہ اتے ڈیرہ غازی خان دے ساریاں توں ودھ متاثر علاقیاں اچ ہک منگروٹہ اچ چھل توں متاثر 150 توں ودھ تریمتیں اتے ٻالاں تے مشتمل وستی اچ ڳئی جتھاں حاملہ، معذور اتےبیمار تریمتیں موجود ہن۔ متاثرہ تریمتیں چیئرپرسن کوں چھل پاروں تھیوݨ آلی تباہی اتے آپݨی مشکلات بارے ݙسیا۔ بعد اچ انہاں راجن پور دے علاقے فاضل پور دا دورہ کیتا جتھاں حاملہ اتے کھیر پلاوݨ آلی تریمتیں دے علاوہ معذوراں نال ملاقات کیتی اتے انہاں دے مسئلے پچھیے۔
